Верш на конкурс да 100-годдзя пагранічнай службы Рэспублікі Беларусі

У матэрыяле прадстаўлены верш "Салдат-пагранічнік" навучэнкі УА "Пінскі дзяржаўны прафесіянальны ліцэй сельскагаспадарчай вытворчасці" Сагановіч Наталлі.

У 2018 годзе органы пагранічнай службы будуць святкаваць 100-годдзе з дня ўтварэння і ў рамках падрыхтоўкі да гэтай знамянальнай падзеі ў Беларусі абвешчаны конкурс на лепшыя творы і творчыя працы, непасрэдна звязаныя з пагранічнай тэматыкай. Заснавальнікам конкурсу з'яўляецца Дзяржаўны пагранічны камітэт Рэспублікі Беларусь.

Салдат - пагранічнік

  Ці вецер вые, ці дождж ідзе,

 Ці снег на сонцы іскрыцца,-

Салдат на варце службу нясе,

На мяжы, што завецца граніца.

Пільна глядзіць у бінокль салдат,

Нельга яму памыліцца.

Не пройдзе ніводны злосны вар’ят,

Бо тут Беларусі граніца.

Тут сосны гамоняць, што побач стаяць,

Там рэчка за борам бруіцца,

За гаем віднеецца там сенажаць -

Усё гэта - мая граніца.

Не страшна салдату ні ноччу, ні днём,

Зладзеяў ён не баіцца,

Бо верны Мухтар з ім службу нясе –

Адна на дваіх граніца.

Далёкай каханай ён шле СМС:

“Чакай мяне… час хутка мчыцца,

Я сёння адданы “дзяўчыне” другой,

Імя ў яе ёсць – Граніца.”

За дальні пагорак адказ я нясу,

За зайца, вавёрку, сініцу.

Я кожную ў лесе бярозу, сасну

Пільную, як вока зеніцу.

А маці чакае ад сына лістоў,

І ноччу ёй доўга не спіцца.

Слязінку скупую змахне яна зноў,

Уздыхне, што далёка граніца…

Каб мірна жылося на роднай зямлі,

Каб вораг не здолеў прабіцца,

Салдат паўтарае тры словы свае:

-  Зямля, Беларусь, Граніца!

                                                                                         Сагановіч Наталля,

                                                          навучэнка групы 22

                                                              УА“Пінскі дзяржаўны

                                                             прафесіянальны ліцэй

                                                                                  сельскагаспадарчай вытворчасці”