Міжнародны пленэр ганчароў

З 23 па 31 ліпеня 2018 года ў вёсцы Гарадная адбыўся VI Міжнародны пленэр ганчароў (Столінскі раён Брэсцкая вобласць Рэспубліка Беларусь)

Да ўдзелу былі запрошаны майстры керамікі, якія валодаюць тэхналагічнымі і мастацкімі прыёмамі вырабу дробнай пластыкі і ганчарства, а таксама займаюцца адраджэннем і развіццём ганчарнага промыслу.

У праграме пленэру была праведзена выстаўка, дзе майстры мелі магчымасць пазнаёміць прысутных з прывезенай сувенірнай керамічнай прадукцыяй;  працаваў кірмаш рамёстваў “Гараднянскі кірмаш”; майстар-класы, экскурсійная праграма.

Пленэр ганчароў праводзіцца з мэтай папулярызацыі і прапаганды ганчарнага майстэрства сярод шырокай грамадскасці, адраджэння традыцый ганчарства, стымулявання яго развіцця ў сучасных умовах, знаёмства з творчасцю майстроў-ганчароў розных школ і кірункаў, актывізацыі працэсу адраджэння ганчарства, павышэння сацыяльнага і творчага іміджу аўтэнтычных майстроў-ганчароў.

Міжнародныя пленэры ганчароў у вёсцы Гарадная праходзяць з 2008 года. Раз у два гады збіраюцца тут майстры не толькі з Беларусі, але і з іншых краін свету. У чатырох пленэрах удзельнічалі ўжо ганчары з 12 краін свету. Цэнтр ганчарства вёскі Гарадная быў створаны ў 2003 годзе з мэтай захавання і папулярызацыі лепшых традыцый народнага ганчарнага промыслу.