Пад такой назвай 8 чэрвеня 2017 года на базе
Брэсцкага дзяржаўнага каледжа сувязі адбылася абласная навукова-практычная
канферэнцыя сярод навучэнцаў устаноў прафесійнай адукацыі.
Усе ўдзельнікі былі
падзелены на секцыі: гістарычнае краязнаўства, літаратурнае і лінгвістычнае краязнаўства. У канферэнцыі прынялі
ўдзел 38 навучэнцаў і прадставілі свае работы на суд кампетэнтнага журы з ліку
выкладчыкаў Брэсцкага дзяржаўнага ўніверсітэта імя А.С.Пушкіна. Разнастайныя па
тэматыцы выступленні падрыхтавалі юныя навукоўцы-краяведы з вучэбных устаноў
прафесійна-тэхнічнай адукацыі Брэсцкай вобласці. Дыплом II ступені атрымала навучэнка групы 23 Установы адукацыі “Пінскі дзяржаўны прафесіянальны ліцэй сельскагаспадарчай вытворчасці”
Латышэвіч Надзея. Пад кіраўніцтвам
выкладчыка беларускай мовы і літаратуры Факадзей Таццяны Сямёнаўны яна
падрыхтавала даследчую работу «Помнікі
архітэктуры і горадабудаўніцтва на грашовых адзінках Рэспублікі Беларусь».
Тэму Надзея выбрала
не выпадкова, бо вучыцца ў ліцэі на другім курсе па прафесіі “Аператар ЭВМ;
прадавец», якая прадугледжвае працу з грашовымі знакамі. Кім бы ні стаў
чалавек, калі вырасце, дзе б ні жыў, яму прыйдзецца сутыкнуцца з грашыма.
Цікавасць да працы ўзнікла пасля таго, як у Беларусі з 1 ліпеня 2016 года былі
ўведзены новыя грашовыя адзінкі, таму тэма работы набыла яшчэ большую
актуальнасць.
Падчас працы навучэнка даведалася пра функцыі грошай і гісторыю з’яўлення
грашовых адзінак; разгледзела дызайн папяровых банкнотаў і металічных манет;
выявіла цікавыя факты пра грашовыя знакі Рэспублікі Беларусь. А правёўны
даследаванне, Надзея высветліла, што грошы «гавораць», яны «расказваюць» - і
робяць гэта з дапамогай выразнай мовы знакаў і вобразаў; а намаляваныя на
папяровых грашовых знаках помнікі архітэктуры і горадабудаўніцтва з'яўляюцца
своеасаблівай крыніцай пры вывучэнні гісторыі нашай краіны.
Любоў да Бацькаўшчыны, да роднай мовы прыходзіць праз
веданне гісторыі і культуры роднага краю. Цікавасць да гісторыі Радзімы
ўласціва чалавеку па самой яго сутнасці: кожны з нас вырастае на спадчыне, у
якой сканцэнтраваны векавы вопыт, светапогляд і духоўнае багацце народа. Дзе б
ні жыў чалавек – гісторыя побач з ім.
Комментариев нет:
Отправить комментарий